Поглавје 4

Демократија, човекови права, еднаквост, решавање на проблеми, издржливост

10-20 учесници поделени во помали групи

Препорачливо е 60 минути. Можете да го прилагодите времетраењето, ако е потребно, пократко за деца, подолго и покомплицирано за млади.

Потребни се помали дрва и стапови за палење на оган, кибрит, запалка, весници.

Активноста треба да биде направена на отворено место, како поле, со минимални можности да се прошири пожар. Ако ја организирате активноста близу до вода, тоа би било совршено место.

Учесниците ќе работат заедно да запалат логорски оган. Тие ќе го прават во различни групи и секоја група ќе има различни материјали што ќе им овозможи да научат за еднаквоста и социјалните разлики. Тие ќе научат за можноста за промена на нивниот статус за време на активноста.

Чекор 1– Поделете ги учесниците во две групи. Објаснете им што ќе прават. Бидете детални кога објаснувате, паралелно со објаснување на безбедносните мерки што сите треба да ги имаат во предвид за време на активноста.

Чекор 2– Оставете ги учесниците да ја извршат задачата. Внимателно набљудувајте што се случува и бидете достапни ако е потребна поддршка. Забележете ги сите точки кои се важни за понатамошната анализа и учење на групата. Групите имаат 20 минути да ја завршат задачата.

Чекор 3– Направете прослава за тимот кој ќе победи. Треба малку да претерате со пофалбите за тимот со подобра почетна точка за спроведување на задачата (оние со повеќе употребливи материјали).

Чекор 4– Пратете ги групите за 15 минутен разговор за да зборите за активноста и кои беа нивните главни предизвици и откритија. Групите треба да ги презентираат заклучоците. По презентацијата, започнете со дебрифинг.

Кога фаворизирате еден од тимовите, гледајте да не претерате за да не навредите некој од другата група.

Во дебрифингот на активноста, оставете учесниците сами да дознаат дека повеќе поддржувавте една од групите, не го откривајте ова додека самите не го откријат.

Прашања за дел од активноста по задачата и пред групната работа:

Како се чувствувате после активноста?

Дали ви беше тешко да ја завршите задачата?

Каков е вашиот впечаток за динамиката во групата? Дали имавте доволно материјали за да ја завршите задачата?

Прашања после групната работа:

Како се чувствувавте кога дознавте дека другата група има различен сет на материјали за задачата?

Како можете да ја поврзете оваа активност со вистинскиот живот?

Дали имаше некои безбедносни проблеми што се случија за време на активноста?